Një lokal është përfshirë nga zjarri në Volljakë të Klinës.
Është pikërisht restoranti i njohur “Guri i Zi” i cili së fundi pësoi dëme të mëdha si pasojë e përfshirjes nga zjarri.
Për fat të mirë nuk pati njerëz të lënduar, ndërsa zjarri njoftohet të jetë ndezur pak para mesnatës.
Lidhur me zjarrin janë deklaruar edhe nga Policia e Kosovës.
“Më datë, 16.01.2022, rreth orës 23:20, Policia është informuar se në fshatin Volljakë-Klinë, një lokal është përfshirë nga flakët. Njësitet Policore menjëherë kanë dalë në vendngjarje, gjithashtu edhe zjarrfikësit të cilët kanë arritur ta lokalizojnë zjarrin, sipas zjarrfikësve, nga zjarri janë shkaktuar dëme materiale të konsiderueshme”, ka thënë Driton Rugova.
