Aktori i njohur Tom Holland ka folur mbi lansimin e pjesës së fundit të Spider-Man.
25 vjeçari është duke korrur suksese të mëdha me No Way Home, me mbi 1 miliardë dollarë të arkëtuara që nga publikimi i filmit 10 ditë më parë.
E, për të, ky film është kulmi i karrierës.
Të tillë e ka konsideruar në një intervistë për THR.
Ai ka pasur fatin të ndajë skenën me dy Spidermenët paraadhës dhe kjo e ka gëzuar jashtëzakonisht shumë.
Holland e ka shprehur entuziazmin e tij për ato skena duke thënë se ndjehej sikur i kishte vëllezër ata dy.
“Sinqerisht, ishte pika kryesore e karrierës sime. Më vendos në skenë para një mijë njerëzve. Kam aq shumë për të thënë sa nuk më kanë lejuar. Do të doja të vazhdoja të flisja për këtë film” ka thënë Holland.
Spider-Man: No Way Home, është filmi me më së shumti shitje që nga shfaqja e pandemisë dy vite më parë.
10 ditë pas lansimit, interesimi për t’a parë është akoma në maje.
