Një rrahje mes dy personave ka ndodhur sot në rrugën “Ismajl Dumoshi” në Prishtinë.
Zëdhënësja e Policisë së Kosovës për Rajonin e Prishtinës, Flora Ahmeti tha se rasti ka ndodhur rreth orës 12:00.
“Informata është pranuar rreth orës 12:00, për një rrahje në mes të dy personave, të ndodhur në rrugën ‘Ismajl Dumoshi’ në Prishtinë. Policia ka dalë në vendin e ngjarjes ka ndërmarrë veprimet e nevojshme dhe ka shoqëruar në stacionin policor dy persona”, deklaroi ajo.
Ahmeti tha se aktualisht po trajtohen rrethanat e ngjarjes.
