Përfaqësuesi i Spanjës në ragbi, Kawa Leauma, ka vdekur në moshën 32-vjeçare pasi ra aksidentalisht nga një ndërtesë në Holandë.
Besohet se 32-vjeçari ra nga një lartësi prej tetë metrave dhe si pasojë pësoi lëndime të rënda në kokë.
Sulmuesi i lindur në Zelandë të Re iu nënshtrua dy operacioneve urgjente, por vdiq në spital në Amsterdam të martën mbrëma.
Leauma kishte udhëtuar në Holandë me Kombëtaren e Spanjës, por nuk kishte luajtur.
“Me keqardhje ju njoftojmë për vdekjen e Kawa Leauma”, njoftoi Federata e Ragbit e Spanjës.
Federata spanjolle nuk dha më shumë hollësi, duke e respektuar dëshirën e bashkëshortes së tij.
