Don Xhoni jep intervistë për radio gjermane: Nuk është e vërtetë që shqiptarët janë hajdutë, ata janë pjesë e rëndësishme e Gjermanisë

data-io-article-url=”https://telegrafi.com/don-xhoni-jep-interviste-per-radio-gjermane-nuk-eshte-e-vertete-qe-shqiptaret-jane-hajdute-ata-jane-pjese-e-rendesishme-e-gjermanise/”>

Reperi i njohur shqiptar, Don Xhoni, ka dhënë së fundmi një intervistë për Radio Jam FM në Berlin të Gjermanisë.

Duke e nisur intervistën me një kërkim-falje për anglishten e tij ndoshta pak të çalë, reperi me prejardhje nga Drenica foli në përgjithësi rreth këtij viti, i cili ka qenë mjaft i suksesshëm për karrierën e tij.

Reperi, emri i vërtetë i së cilit është Xhonatan Isufi, u pyet nga prezantuesi i emisionit për deklaratën e komedianes iranioano-gjermane, Enissa Amani, e cila i ka reaguar publikisht një deputeti gjerman duke e quajtur “racist”.

Ajo tani rrezikon deri në 40 ditë burg, për shkak se refuzon të paguajë gjobën prej 188 eurosh, me të cilën është dënuar për deklaratat e saj.

Duke qenë se deklaratat raciste të deputetit të AfD-së ishin bërë edhe për shqiptarët, reperi i hitit “Kokaina” tha se qëndrimet e tij janë të gabuara.

“Politikanët duhet të mbështesin popullin e tyre dhe jo të punojnë kundër tij. Nuk ka të bëjë fakti që jam shqiptar, qëndrimi i tij është i gabuar. Nuk është e vërtetë që shqiptarët janë hajdutë. Edhe shqiptarët i përkasin Gjermanisë. Ata janë investitorë të mëdhenj, kanë firma ndërtimi, punojnë nëpër firma ndërtimi, nëpër institucione shëndetësore, nëpër banka e etj. Mendoj që opinioni i tij nuk ka vlerë”, ka thënë Don Xhoni.

I njëjti përgjatë intervistës ka treguar edhe se i pëlqen qitja me armë, posaçërisht me kallashnikov dhe kjo është arsyeja pse armët janë pjesë e disa prej këngëve të tij.