Modelet e famshme, Gigi dhe Bella Hadid kanë reaguar në mediat sociale pas vdekjes së stilistit të modës, Virgil Abloh, i cili ndërroi jetë në moshën 41-vjeçare të dielën pas një beteje me kancerin.
Gigi, 26 vjeç, ndau një postim me foto të saj me Abloh, teksa tha se ishte ‘zemërthyer nga humbja’ e stilistit, të cilin e përshkroi si ‘mikun e saj të dashur dhe një mik i botës’.
Gigi theksoi talentin dhe mirësinë e Abloh në postimin e saj përkujtimor.
“Mirësia dhe bujaria e tij energjike lanë një përshtypje të madhe tek të gjithë- ai i bëri të gjithë të ndiheshin të rëndësishëm dhe të veçantë”, u shpreh Gigi.
Foto: REX
“Ai do të mungojë thellësisht, do të jetë i dashur dhe i nderuar nga unë dhe të gjithë njerëzit dhe industritë që kanë pasur fatin të punojnë përreth dhe të njohin fuqinë e vërtetë pas këtij njeriu”, vazhdoi tutje ajo.
“Unë e përfytyroj atë tani si Mickey Mouse-n tonë.. përgjithmonë me ne, përgjithmonë i adhuruar, përgjithmonë magjik. Jam e sigurt se kështu donte të kujtohej, por megjithatë nuk do të jetë kurrë njësoj pa të në dhomë”, tha Gigi për mikun e saj të ndjerë, shkruan DailyMail.
Ajo tha se do të vazhdojë të frymëzohet nga Abloh çdo ditë dhe ndihet ‘e bekuar dhe e nderuar nga çdo moment’ që ndau me të.
“I dërgoi ngushëllimet më të thella, dritën dhe forcën gruas së tij Shannon Abloh, fëmijëve të tij, Lowe dhe Grey dhe gjithë familjes së tij”, shtoi modelja.
Foto: FilmMagic
Bella, 25 vjeçe, ndau gjithashtu një seri fotosh të saj me stilistin tashmë të ndjerë. Ajo tha se ndihej e humbur me lajmin se Abloh kishte vdekur.
