Këngëtarja e hiti “Body” është krenare për trupin e saj.
Megan Thee Stallion u vërshua me komente pozitive në Instagram pasi reperja ndau foto të pa edituara të trupit të saj nga një xhirim mode.
“DASHURI! #nofilter”, komentoi një person. Një tjetër shkroi, “Është realiteti dhe trupi natyral për mua”.
26-vjeçarja postoi foto nga bashkëpunimi i saj në veshje me Fashion Nova, ku shfaqej artistja me një veshje të zezë.
Disa nga fotot ishin pamje nga afër të Megan, duke treguar se strijat e saj nuk ishin prekur. “Vija tigri”, shkroi një fans i mahnitur.
Foto: Instagram
Megan ka qenë prej kohësh një avokate e pozitivitetit të trupit dhe fuqizimit të femrës. Në nëntor 2020, ajo performoi këngën e saj “Body” në American Music Awards dhe tha në një video-mesazh përpara shfaqjes, “Unë e dua trupin tim. Çdo formë, çdo centimetër, çdo shenjë, çdo gropë është një dekorim në tempullin tim”.
“Trupi im është i imi. Dhe askush nuk e zotëron atë përveç meje. Dhe kë zgjedh të lejoj të hyjë është shumë me fat. Ju mund të mos mendoni se trupi im është perfekt dhe ndoshta nuk do të jetë kurrë. Por kur shikoj në pasqyrë, më pëlqen ajo që shoh”.
