Zyrtari i Partisë Demokratike të Kosovës, Betim Gjoshi, përmes një reagimi në Facebook ka deklaruar se vendimi i Gjykatës Supreme e vërteton atë që kishte thënë PDK-ja për zgjedhjet e raundit të dytë në Komunën e Dragashit.
Ai ka thënë se vendimi i Supremes fakton se është minuar integriteti i votimit jashtë Kosovës për Komunën e Dragashit, transmeton lajmi.net.
“Sot, pretendimet e PDK-së u zyrtarizuan, pas PZAP-it, edhe nga Gjykata Supreme”, ka shkruar ndër të tjerash Gjoshi.
Ai ka thënë se KQZ-ja duhet të decertifikojë kandidatë që qëndrojnë prapa këtij manipulimi të vullnetit të qytetarëve dhe që shtrembërojnë rezultatin e zgjedhjeve.
Gjithashtu, Gjoshi ka kërkuar nga Prokuroria që të hidhet në aksion që përgjegjësit të vendosen para drejtësisë, ndërsa KQZ-ja ka thënë se duhet të ndërmarrë të gjitha masat që të mos lejojë që të manipulohet përsëritja e votimit.
Postimi i plotë i Gjoshit në Facebook:
Ky është vendimi i Supremes që fakton se është minuar integriteti i votimit jashtë Kosovës për komunën e Dragashit.
3. KQZ-ja duhet të ndërmarrë të gjitha masat që të mos lejojë që të manipulohet përsëritja e votimit.
