Keni dëgjuar për fustanin “slip”?
Për shkak të prerjes së tij të thjeshtë, stilohet shumë lehtë dhe mund ta vishni në raste të ndryshme – nga darkat dhe festat që kërkojnë veshje më elegante, e deri te stilet urbane, të rrugës.
Një tjetër gjë që e bën ideal një fustan “slip” mëndafshi janë stinët, transmeton Telegrafi.
Pavarësisht materialit nga i cili është bërë, ky fustan nuk është i rezervuar vetëm për verë, por edhe për dimër, si dhe për vjeshtë.
Megjithatë, fustani “slip” duket më bukur kur vishni një pulovër dhe mbathni çizme.
Përveç pulovrave, mund të vishni një fustan “slip” me pallto, si dhe xhaketa xhins.
Gjithashtu, këtë fustan mund ta vishni edhe me atlete dhe dukeni elegante.
