Kryetari i asamblesë së Republikës Serbe Nedelko Çubriloviq, ka biseduar sot me Gabriel Escobar, zëvendës ndihmës sekretarin e Shtetit, ndërsa në bisedë ka marrë pjesë edhe Eric Nelson, ambasadori i SHBA-së në Bosnje dhe Hercegovinë.
Në një bisedë të hapur, palët ranë dakord se të gjitha mosmarrëveshjet duhet të zgjidhen përmes dialogut, me pjesëmarrje të barabartë të të gjitha palëve në Bosnje dhe Hercegovinë.
Gjithashtu, të pranishmit në takim u pajtuan që pikënisje në bisedime të jenë vlerat e paqes, Kushtetuta e BeH dhe një sistem shtetëror i pranueshëm për të gjithë, transmetojnë mediat boshnjake.
Escobar ndodhet për vizitë disaditore në Bosnje, pas kërcënimeve të liderit serb Milorad Dodik për formimin e ushtrisë së Republikës Serbe.
