Marka e veshjeve të reperit Kanye West, “Yeezy”, u godit nga një padi nga shteti i Kalifornisë të premten, duke pretenduar në vonesa të paligjshme të transportit.
Kalifornia thotë se marka “Yeezy” ka shkelur në mënyrë të përsëritur kodin e biznesit të shtetit, duke dështuar në dërgimin e artikujve brenda tridhjetë ditëve dhe duke dështuar të sigurojë njoftime adekuate për vonesa për konsumatorët e Kalifornisë, ose të ofrojë një ofertë për një rimbursim, thuhet sipas padisë.
Kodi i biznesit të Kalifornisë thotë se nëse një kompani nuk dërgon produkte të porositura në internet brenda një afati kohor 30-ditor, ajo duhet të sigurojë një rimbursim, të dërgojë “mallra zëvendësuese ekuivalente ose superiore” dhe t’i dërgojë klientit një njoftim me shkrim për vonesën.
Pavarësisht nëse “Yeezy” dërgoi artikujt në kohë, fansat e atleteve të njohura dhe të shtrenjta të Kanye Westit mund të zhgënjehen nga kohët e gjata të dërgesave. Kriza e zinxhirit të furnizimit e përqendruar në portet e Kalifornisë vazhdon të shkaktojë ndërprerje në të gjithë vendin.
Muzikanti nuk ka komentuar nëse kompania “Yeezy” po përjeton apo jo vonesa të dërgesave dhe nuk iu përgjigj menjëherë kërkesës së Bussines Insider për komente.
Yeezysupply.com, domeni i listuar në padi, thotë se klientët duhet “të lejojnë 2-3 ditë pune për përpunimin e porosisë tuaj dhe 3-5 ditë për dërgimin”.
Ndërsa West bashkëpunoi me kompaninë “Adidas” për të shitur veshjet e “Yeezy”, “Adidas” nuk u emërua si e pandehur në padi.
Megjithatë, faqja e internetit e “Adidas” përfshin një mohim për kohën e dërgesës: “Për shkak të ndikimit të coronavirusit dhe mandateve në fuqi, porosia juaj mund të pësojë një vonesë transporti. Kjo vonesë është për shkak të disa faktorëve, duke përfshirë kufizimet e udhëtimit, personelin në dispozicion dhe/ ose mandate federale/shtetërore/lokale”.
Në gusht, shefi financiar i “Adidas”-it, Harm Ohlmeyer, u tha gazetarëve se kufizimet e zinxhirit të furnizimit mund t’i kushtojnë markës së veshjeve sportive deri në 580 milionë dollarë në shitje deri në fund të vitit, sipas një raporti të Financial Times.
Kjo nuk është hera e parë që marka e Westit çohet në gjykatë. Në prill, gjigandi i shitjes me pakicë “Walmart” paraqiti një ankesë në Zyrën e Patentave dhe Markave Tregtare të ShBA-së, duke argumentuar se dizajni i logos së “Yeezy” duket shumë e ngjashme me atë të “Walmart”.
Në fillim të kësaj vere, ekipi ligjor i muzikantit argumentoi sinqerisht se “Walmart” me siguri e di, ashtu si publiku konsumator, se gjëja e fundit që dëshiron të bëjë [“Yeezy”] është të lidhet me [“Walmart”].
