Dashuria mbetet ndjenja më e bukur mbi Tokë. Të biesh në dashuri me dikë që nuk mund ta kesh, mund të ndikojë seriozisht në vetëvlerësimin dhe besimin tënd në vetvete. Fillon të ndihesh e pakënaqur me veten, dhe madje edhe të biesh në depresion. Natyrisht, duhet t’i heqni qafe këto ndjenja sa më shpejt të jetë e mundur. Ne do t’ju tregojmë se çfarë të bëni për të kapërcyer dashurinë që nuk jua kthejnë, dhe të filloni të jetoni një jetë të re.
Prano faktin që personi tjetër nuk ka nevojë për ty. Nëse mendoni se i dashuri juaj një ditë ju do, por në një ditë tjetër fillon të mos bëhet i gjallë për një javë, do të thotë që përfundimisht nuk ndjen dashuri për ju. Herën tjetër që do ta takoni këtë person ose do ta telefononi, thjesht mendoni se si jeni ndjerë gjatë ditëve që nuk është bërë i gjallë. Nuk keni pse përuleni para dikujt që s’ia ndjen për ju.
Mendo për gjëra të tjera. Larg syve, larg zemrës. Kjo duhet të jetë motoja juaj, nëse doni ta kapërceni dashurinë tuaj për dikë që nuk ju do. Qëndroni sa më larg atij personi. Nëse mundeni, opsioni më i mirë për ju do të ishte të shkonit në një udhëtim të gjatë, ku nuk do të jeni në gjendje të lidheni me internetin (ndaloni së kontrolluari të gjitha llogaritë e tyre në mediat sociale!).
Gjeni një person me të njëjtat problem si ju.Nuk jeni personi i vetëm që keni probleme në dashuri. Shumë njerëz e kanë përjetuar dhimbjen e dashurisë së pakthyer dhe kanë arritur ta kapërcejnë atë. Tregojini të tjerëve për ndjenjat tuaja. Pyetini ata se si ia kanë dalë ta kalojnë një situatë të tillë, dhe çfarë bënë për ta lehtësuar dhimbjen. Ndonjëherë gjithçka që ju nevojitet është të dëgjoni fjalë të thjeshta si: “Sa mirë që të kuptoj”.
Kujdesuni për veten. Kur ndiheni të zhytur në mendimet tuaja të errëta, zakonisht filloni ta neglizhoni veten. Edhe nëse nuk ndjeni asgjë tjetër përveç dhimbjes, edhe nëse nuk mund të bëni asgjë, kujdesuni për pamjen dhe shëndetin tuaj. Bënji një banjë të ngrohtë. Pini një filxhan çaj të shijshëm bimor me kënaqësi në ballkonin e shtëpisë. Shkoni në pazar dhe blini rroba të reja. Ndryshoni stilin e flokëve tuaj. Të kujdesesh për veten të ndihmon shumë të kalosh dhimbjen e një dashurie që nuk të kthehet mbrapsht.
Fillo një aktivitet të ri fizik. Ka shumë mënyra për ta rivendosur ekuilibrin tuaj emocional. Më efektive prej tyre janë ushtrimet fizike. Ato mund t’ju ndihmojnë të heqni qafe negativitetin brenda jush. Filloni të vraponi çdo mëngjes ose shkoni në klasa fitnesi. Shkoni në palestër ose në një pishinë. Mësoni si të kalëroni një kalë – patjetër që do të merrni shumë emocione pozitive edhe nga kontakti me kafshët. Nëse doni të kombinoni sportet dhe artet, filloni një kurs kërcimi. Dëgjoni këngët tuaja të preferuara dhe vallëzoni për aq kohë sa të jeni në gjendje të lëvizni. Shkoni në një studio vallëzimi dhe mësoni se si të vallëzoni tango ose rumba. Do të argëtoheni dhe do të ndiheni në formë në të njëjtën kohë.
Mos u mërzisni. Dështimet në dashuri janë pjesë e jetës. Vetëm se nuk ju kthehet dashuria mbrapsht, nuk duhet të filloni të urreni veten ose të gjithë përfaqësuesit e seksit të kundërt. Dhe mos i uroni fat të keq personit tjetër – ata nuk kanë pse të bëjnë sakrifica për lumturinë tuaj. Vendoseni veten në këpucët e këtij personi: a jeni gati të jetoni gjithë jetën tuaj me dike, për të cilin ndjeni vetëm keqardhje dhe jo dashuri? E mira është të mendoni për të gjitha kujtimet e bukura që keni pasur së bashku dhe të vazhdoni me një buzëqeshje në fytyrën tuaj.
