Mediet serbe shkruajnë për shqiponjën e Anxhela Peristerit në “Eurovision”.
Anxhela Peristeri tash e sa ditë po qëndron në Roterdam, për përfaqësimin e Shqipërisë në “Eurovision”.
Në një prej paraqitjeve të saj para medieve, Anxhela kishte bërë shqiponjën dykrenare, veprim i cili reagime nga ana e serbëve.
“Novosti” i dedikoi një artikull shqiponjës së përfaqësueses së Shqipërisë, duke e cilësuar si provokim.
“Skandal në Eurovision: Simboli i Shqipërisë së madhe, një provokim i turpshëm para gazetarëve”, ishte titulli i mediumit serb.
Në artikullin e “Novostit” thuhet se në prag të mbajtjes së natës gjysmëfinale të “Eurovisionit” ndodhi një skandal.
“Përfaqësuesja e Shqipërisë, Angelia Peristeri dhe bashkëpunëtori i saj dolën para shtypit dhe treguan simbolin e Shqipërisë së Madhe, të ashtuquajturën “shqiponja dykrenare” në mënyren shqiptare. Ju kujtojmë se Eurovision në parim ndalon promovimin politik në veprimtarinë e saj. Ajo ndau një foto me të njëjtën temë një javë më parë”, thuhet ndër të tjera në artikullin e mediumit serb.
Ndryshe, Anxhela Peristeri pritet të performojë në natën e dytë gjysmëfinale të “Eurovision”, që mbahet nesër (20 maj).
Finalja e madhe e festivalit evropian mbahet më 22 maj.
