Policia e Kosovës është duke vazhduar planin operativ ‘’Kontrolli i automjeteve dhe mjeteve të transportit rrugor’’ përmes së cilit synohet kontrolli i automjeteve dhe mjeteve transportuese në aspektin e qarkullimit rrugor dhe respektimit e masave antiCOVID.
Kësisoj gjatë ditës së sotme zyrtarët policorë kanë aplikuar kontrolle në transportin e udhëtarëve, për të shikuar nga afër respektimin e masave antiCOVID.
Nga Policia e Kosovës është bërë apel që qytetarët t’u përmbahen rregullave dhe të respektojnë këto masa.
“Po ashtu me qëllim të respektimit të masave mbrojtëse, parandalimit të përhapjes së pandemisë dhe interesit të shëndetit publik, Policia e Kosovës është duke realizuar detyra konkrete në gjithë territorin e Kosovës, duke aplikuar kontrolle të përbashkëta në trafik, në transportin e udhëtarëve, në qendra tregtare, lokale afariste etj., përfshirë edhe shqiptimin e gjobave ndaj atyre që nuk zbatojnë këto masa.Policia e Kosovës vazhdon të apelojë te të gjithë qytetarët që t’u përmbahen rregullave dhe të respektojnë masat anti COVID, të mbajnë distancën, të vendosin maskën dhe të pastrojnë duart, në mënyrë që së bashku të ndikojmë në ruajtjen e shëndetit publik”.
