Në një konferencë për media se bashku me Kryeministrin e Kosovës, Albin Kurti, ministri i Shëndetësisë Arben Vitia, ka sqaruar se a do të zgjasim edhe më tej masat pas vendimit që u morr sot që këto masa të zgjasin deri më 18 prill të këtij muaji
Ai ka thënë se në të gjitha takimet që janë zhvilluar kemi ardhur në përfundim që nuk ka pasur respektim të masave dhe për këtë shkak është marrë ky vendim.
“Këto masa është mirë të respektohet deri në ardhjen e vaksinave, në mënyrë që të mos lejojmë që mbingarkohet sistemi jonë shëndetësor, sidomos të rasteve të reja me fatalitet”, theksoi Vitia.
Sa i përket vaksinave, ai ka thënë se si qeveri nuk do të presin vetëm nga donacionet, por nuk ka bërë të ditur se në cilën fazë të bisedimeve janë me kompanitë që prodhojë këto vaksina, sepse siç ka thënë Vitia detajet mund të dëmtojnë konfidencialitetin e bisedimeve.
“Janë diku rreth 50 milion euro të siguruara nga Qeveria e Republikës së Kosovës për blerën vaksinave”. tha ndër të tjera Vitia.
