Kompania e këpucëve “Nike” po padit “Brooklyn MSCHF”, për një palë të atlete të “Satan Shoes” që përmbajnë një pikë gjak të vërtetë njerëzor.
Atletet që kushtojnë 1.018 dollarë, të cilët shfaqin një kryq të përmbysur, një pentagram dhe fjalët “Lluka 10:18”, u bënë duke përdorur “Nike Air Max 97” të modifikuar, thotë paditësi.
MSCHF lançoi 666 këpucë të hënën, në bashkëpunim me reperin “Lil Nas X” dhe thotë se ato u shitën në më pak se një minutë. Ndërkohë, “Nike” pretendon për shkelje të markës së saj, shkruan BBC-i.
Këpucët e zeza dhe të kuqe u reklamuan nga MSCHF-ja të hënën, që përkon me promovimin e këngës më të fundit të Lil Nas X Montero, e cila debutoi në YouTube të premten e kaluar.
Në videon muzikore, reperi shihet duke rrëshqitur nga parajsa në ferr, i mbathur me një palë atlete të tilla. Imazhet dhe këpucët referojnë në vargun biblik Lluka 10:18 – “Kështu ai u tha atyre: Unë pashë Satanën të binte si rrufe nga qielli”.
Çdo këpucë përmban një tabelë amortizimi të flluskës së ajrit “Nike”, që përmban 60 centimetra kub bojë të kuqe dhe një pikë të vetme gjaku njerëzor, dhuruar nga anëtarët e kolektivit të artit.
Gjiganti i këpucëve sportive thotë në një paraqitje në Gjykatën e Qarkut të SHBA-së në distriktin lindor të New Yorkut se nuk miraton ose autorizon këpucët e personalizuara “Satan”.
