Portali Gazeta Express sot në publikimin e tyre ka shkrajtur artikullin me titullin.
“Ua thej këmbët”, Prokuroria e autorizon Policinë të ndërmarrë veprime për kërcënimin e lojtarëve të Kosovës nga Agim Ademi’.
Kjo shpifje e pashembullt e publikuar nga portali Gazeta Express është e rreme dhe dëmton reputacionin e së vërtetës dhe drejtësisë. Kryetari i Federatës së Futbollit të Kosovës, Agim Ademi, nuk është kontaktuar nga askush për kërcënimet që i janë atribuar.
Ky sulm i ulët ndaj Kryetarit të futbollit të Kosovës vjen në një moment, ku futbolli i Kosovës më shumë se çdo herë tjetër i duhet mbështetja dhe besimi i të gjithë akterëve për të arritur suksese të reja për futbollin në vend.
Duhet të theksojmë se kjo shpifje dukshëm ka synime politike dhe dëshiron të dëmtojë imazhin e FFK-së dhe të kryetarit Agim Ademi, duke anashkaluar arritjet e fundit të Federatës në lidhje me marrëveshjen milionëshe me Arabinë Saudite për digjitalizimin e futbollit në vend.
Për shkak të rëndësisë së kësaj situatë dhe për të treguar qartë të vërtetën, urojmë që media të jetë më e përgjegjshme dhe të përmbajë të vërtetën e paanshme në informacionet që publikohen në publik. Nëse ekziston një diçka që duhet hetuar, kjo duhet bërë në mënyrë profesionale dhe pa shpifje.
Kjo përmbajtje e rreme dhe e padrejtë duhet të hidhet poshtë dhe tolerohet vetëm nëse është e shoqëruar me fakte të qarta dhe të paanëshme. Të gjithë duhet të punojnë së bashku për promovimin e transparencës dhe integritetit, veçanërisht në një sferë kaq të rëndësishme siç është futbolli në Kosovë.
