Policia e Kosovës ka kërkuar ndihmë për identifikimin e dy personave të dyshuar për “Vjedhje të shërbimeve”, rast që ka ndodhur më 19 korrik të këtij viti.
“Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi. Personat e dyshuar kërkohen për përfshirje në një rast, Vjedhje e shërbimeve, që ka ndodhur me datën 19.07.2024 në Prishtinë.”
