Kombëtarja U19 po vazhdon suksesshem të na pëfaqësoj në futboll. E një sukses të madh e ka arritur ndaj Ukrainës të cilën e ka mposhtur bindshëm. I pari i FFK-së Agim Ademi ka përgëzuar dardanët për këtë fitore të madhe, shkruan kolonamedia.com.
Statusi i Agim Ademit në Facebook:
Në prag të ndeshjes Zvicër-Kosovë në Bazel, një lajm i mirë na vjen nga Malta, atje ku Kombëtarja U19 ka shënuar fitore tejet të rëndësishme në kuadër të turneut kualifikues për Euro 2024.
Dardanët e rinj mposhtën Ukrainën, me rezultat bindës 4:0, duke bërë një hap të madh drejt kualifikimit tutje.
Përgëzoj futbollistët dhe stafin në krye me përzgjedhësin Adil Maliqi për këtë fitore e paraqitje mbresëlënëse dhe i inkurajoj që të përkushtohen maksimalisht edhe në ndeshjen e fundit ndaj Maltës.
Krenar me Ju, Forca Kosovë! ⚽️
#BashkëPërFutbollin
