Policia e Kosovës më herët njoftoi se ka arrestuar një person në Pejë, pasi i njëjti dyshohet se po përgatiste vepra terroriste.
Telegrafi nga burimet e veta brenda Prokurorisë ka marrë vesh se bëhe fjalë për një 16 vjeçar, i cili ishte duke përgatitur planin për vrasjen e disa nxënësve në klasën e tij.
Gazeta Insajderi ka kontaktuar me Prokurorinë Themelore në Pejë, mirëpo zëdhënësi i kësaj prokurorie, Shkodran Nikçi, ka bërë të ditur se me rastin është duke u marrë Prokuroria Speciale.
Insajderi ka provuar të kontaktojë disa herë me Prokurorinë Speciale, mirëpo deri në momentin e publikimit të artikullit nuk ka marrë ndonjë përgjigje.
