Në Kosovë fal ndihmës së vazhdueshme nga Federata e Futbollit të Kosovës disa stadiume janë bërë me fusha me bari sintetik.
Ndërkohë Kompania ‘Hatko’e cila i rregullon këto fusha në stadiumet e Kosovës, e njëjta është e angazhuar edhe nga klubet e Premier Ligës angleze, Ligës nacionale më të fortë në botë, shkruan Albanian News
Së fundmi është nënkampioni i Evropës Liverpool, i cili ka vendosur që Fusha e re në stadiumin ‘Anfield’ të jetë hibride. Njëjtë ka vepruar edhe Tottenham Hotspur edhe disa klube tjera në Premier Ligë.
Përndryshe Fusha e re hibride është me cilësi të lartë e formuar nga një rrjet fibrash artificiale dhe mbështetëse me strukturë të hapur – e ngjashme me një tapet.
Ky tapet është i përbërë nga 95 për qind bar dhe 5 për qind fibra artificiale.
Kujtojmë që Federata e Futbollit të Kosovës në krye me Kryetarin e saj Agim Ademi, kanë paralajmëruar që nuk do të ndalen, do t’i ndihmojnë klubet vazhdimisht./Albanian News
