Travis Barker u raportua se mbërriti në spital së bashku me gruan e tij, Kourtney Kardashian.
Barker nxitoi në Qendrën Mjekësore Cedars-Sinai në Los Angeles, Kaliforni, i shoqëruar nga bashkëshortja.
46 vjeçari u dërgua me urgjencë në spital me anë të një ambulance.
Foto: Screenshot/Page Six
Imazhet konfirmuan se Barker ishte personi që mbërriti në qendrën mjekësore pasi panë tatuazhin në dorën e tij.
Sipas një rrëfimi, bateristi i “Blink-182” vuan nga nevralgjia trigeminale.
Çfarë është nevralgjia trigeminale?
Sipas Shërbimit Shëndetësor Kombëtar të Mbretërisë së Bashkuar, nevralgjia trigeminale është një dhimbje e papritur dhe e fortë e fytyrës. Shpesh përshkruhet si dhimbje e mprehtë ose si goditje në nofull, dhëmbë ose mishrat e dhëmbëve.
“Zakonisht ndodh në sulme të shkurtra, të paparashikueshme që mund të zgjasin nga disa sekonda deri në rreth 2 minuta. Sulmet ndalojnë aq befas sa fillojnë”.
“Në shumicën e rasteve, nevralgjia trigeminale prek vetëm njërën anë të fytyrës, me dhimbje që zakonisht ndihet në pjesën e poshtme të fytyrës. Shumë herë pas here dhimbja mund të prekë të dy anët e fytyrës, edhe pse jo zakonisht në të njëjtën kohë”, e përshkruan NHS.
Barker rrëfeu gjatë një interviste me Joe Rogan se kishte nevralgji trigeminale.
“Kam edhe neurolgjinë trigeminale. A keni dëgjuar për të? Është më e keqja. Quhet sëmundja e vetëvrasjes”.
“Në thelb të gjithë nervat në fytyrën tuaj ndezen në të njëjtën kohë. Kështu që pothuajse ndihet si ajo që ndjeni kur mendoni se keni nevojë për një kanal rrënjësor ose keni një dhëmb të ngatërruar”, përshkroi Barker.
Sidoqoftë, se për çfarë saktësisht gjendet në spital nuk është konfirmuar akoma.
