Bella Hadid doli në tapetin e kuq të “Met Gala 2022” me një pamje të krijuar nga Riccardo Tisci i Burberry, por komentet e saj të fundit në lidhje me stilin me korse i bënë disa njerëz të mendojnë se ajo kishte probleme me veshjen e saj.
“Fjalë për fjalë, më ra të fikët”, tha supermodelja për Interview, duke shtuar, “Nuk e di nëse ky ishte ankthi im, apo ndoshta beli po më shtrëngonte dhe nuk mund të merrja frymë”.
Ndërsa disa fansa dhe media të ndryshme keqinterpretuan se problem ishte trupi i Hadid me korse, 25-vjeçarja postoi në Instagram Story për të dhënë një përgjigje.
Foto: Instagram
Duke postuar një pamje të një lajmi të tillë fyes, ajo tha se donte “të bënte diçka shumë të qartë”.
“Kjo nuk është aspak ajo që unë dua të them. Nuk thashë se më ra të fikët për shkak të korsesë sime. Bëra shaka se më ra të fikët, jo për shkak të korsesë, por nga ankthi dhe emocionet e rregullta të tapetit të kuq”, shkroi Hadid.
Hadid mbrojti gjithashtu pamjen e saj të guximshme Burberry, duke thënë: “Korset në përgjithësi janë mjaft të pakëndshme/të forta për mushkëritë, por korseja ime u përshtat në mënyrë të përkryer me hapësirë të mjaftueshme për të ngrënë dhe pirë”.
Pjesëmarrësja rregullt e “Met Gala” – e cila u bë kryefjalë duke munguar në ngjarje gjatë vitit 2021 – kombinoi kostumin e saj të zi me korse të shumëpërfolur me një fund prej dantelle, doreza të gjata të zeza prej tyli të varur dhe gete dantelle.
Sidoqoftë, asnjëra nuk mund të krahasohet me korsenë epike (dhe vërtet të dhimbshme) të Kim Kardashian në “Met Gala 2019”, e cila e pengoi atë të ulej ose të merrte frymë siç duhet.
