Këngëtari i “Wild One”, Bobby Rydell ndërron jetën në moshën 79-vjeçare

Bobby Rydell, i njohur për këngët si “Wild One” dhe rolin e tij si Hugo Peabody në filmin e vitit 1963 “Bye Bye Birdie”, ka ndërruar jetë në moshën 79-vjeçare, sipas një deklarate të lëshuar nga përfaqësuesit e tij.

Rydell vdiq më 5 prill në Abington të Pensilvanisë, nga komplikimet e pneumonisë, të cilat nuk kishin lidhje me Covid-19, thuhet në deklaratë.

Robert Ridarelli (emri i plotë) kishte këngë e tij të parë në “Billboard 100” në vitin 1959 dhe vazhdoi të kishte një karrierë që përfshinte hite të shumta përfshirë “Volare”, “Wildwood Days”, “The Cha-Cha-Cha” dhe “Forget Him”, me më shumë se 25 milionë shitje të albumeve.

Së bashku me James Darren, Fabian dhe Frankie Avalon, Rydell ishte ndër një valë idhujsh të shëndetshëm adoleshentësh që u shfaqën pas Elvis Presleyt dhe para ngritjes së Beatles.

Sipas deklaratës, Rydell ka lënë pas gruan e tij, Linda J. Hoffman, djalin Robert Ridarelli, vajzën Jennifer Dulin dhe pesë nipërit e tij.