Lewis Hamilton ka rikthyer këtë edicion helmetën tradicionale me ngjyrë të verdhë, por këtë sezon me një tjetër shtysë.
Shtatë herë kampioni botëror ka thënë se zgjedhja e tij lidhur me helmetën është shtyrë nga tifozët.
Sipas Hamilton, zgjedhja e tij mundëson që tifozët të dallojnë më lehtë se cili pilot është në cilin bolid të Mercedes.
“Çfarë kam vënë re është se tifozët shohin garat e mëdha dhe nuk mund të bëjnë dallimin mes dy bolidëve dhe kjo ishte një nga arsyet pse solla helmetën e verdhë”, ka thënë Hamilton, transmeton lajmi.net
“Unë kam bërë disa kërkime dhe pash se cila do të ishte ngjyra më e mirë dhe ishte e verdha. Kështu që e vendosëm në makinë. Pastaj vura re se nuk mund të shihnim helmetat me këto halo, kështu që vendosa të sjell pak dritë të verdhë në helmetë”, shtoi piloti i Mercedes.
Hamilton garonte me helmet të verdhë në garat e tij të para në F1. Helmeta ishte dizajnuar qysh nga kohët e kartingut, por rreth vitit 2018 ndryshoi në një helmetë të bazuar kah e bardha. Dy vitet e fundit, Hamilton garoi me helmetë me ngjyrë të përzier mes të zezës dhe vjollce.
