Ushtria ukrainase ka rënë dakord për një armëpushim 12-orësh me Rusinë sot.
Ky armëpushim është arritur për të lejuar civilët të evakuohen përmes korridoreve humanitare.
Këtë e konfirmoi edhe zëvendëskryeministrja e Ukrainës, Iryna Vereshchuk.
Vereshchuk shtoi se kryeministri ukrainas, Denys Shmygal do të bisedojë me Komitetin Ndërkombëtar të Kryqit të Kuq të mërkurën rreth rrugëve të propozuara për armëpushimin, i cili fillon nga ora 09:00 e mëngjesit deri në orën 21:00 me orën lokale.
“I bëj thirrje Federatës Ruse: Ju keni bërë një angazhim zyrtar publik”, tha ajo.
Vereshchuk tha se armëpushimi do të lejonte civilët të evakuoheshin përmes “korridoreve të gjelbërta” në zonat e mëposhtme:
Energodar-Zaporizhia
Sumy-Poltava
Mariupol-Zaporizhia
Volnovakha-Pokrovsk
Izium-Lozova
Vorzel, Bucha, Irpin, Borodyanka, Gostomel-Kiev.
