Sulmuesi ukrainas i West Ham, Andriy Yarmolenko, u ka bërë thirrje lojtarëve rusë që të thyejnë heshtjen e tyre për pushtimin e Vladamir Putin në atdheun e tij, derisa ua përmendi edhe një video skandal.
Rusia pushtoi Ukrainën të enjten e kaluar në atë që e quajti një operacion special për çmilitarizimin dhe ‘denazifikimin’ e vendit – një justifikim i hedhur poshtë nga Kievi dhe Perëndimi si propagandë.
Yarmolenko, i cili është lojtari i tretë i vendit të tij me më shumë paraqitje të të gjitha kohërave, iu dha leja të pushonte nga West Ham të dielën dhe për këtë arsye ai humbi fitoren e tyre ndaj Wolves, por të gjithë bashkëlojtarët e tij mbanin fanella me emrin e tij para fillimit të takimit.
Pas aksionit të fundjavës në Ligën Premier, 32-vjeçari thuhet se ka bërë një donacion të madh prej 100 mijë euro për Forcat e Armatosura të vendit të tij.
Por, Yarmolenko e bëri mbështetjen për atdheun e tij një hap më tej të mërkurën, teksa hyri në Instagram për të kritikuar futbollistët rusë për heshtje në vazhdën e dhunës.
Ai postoi një video në profilin e tij, duke etiketuar lojtarët, duke përfshirë kapitenin e Rusisë, Artem Dzyuba, Aleksei Miranchuk të Atalantës dhe Denis Cheryshev të Valencias.
Yarmolenko gjithashtu etiketoi ish-sulmuesin e Arsenalit, Andrey Arshavin, Arsen Zakharyan të Dynamo Moskës dhe Zelimkhan Bakaev të Spartak Moskës, ndër të tjera.
Ai u bëri thirrje lojtarëve rusë që të bashkohen dhe “t’i tregojnë këllqet e tyre në jetën reale” – duke iu referuar një videoje të zbuluar të vitit 2020, e cila dyshohet se tregonte Dzyuban duke masturbuar.
“Unë jam Andriy Yarmolenko, një lojtar i kombëtares ukrainase, kam lindur në Shën Petersburg, por jam rritur në Ukrainë dhe e konsideroj veten 100 për qind ukrainas”, thotë Yarmolenko në videon në Instagram.
“Kam një pyetje për lojtarët rusë. Djema, pse rrini si trupa dhe nuk thoni asgjë? Në vendin tim po vrasin njerëz, po vrasin gra, po vrasin nëna, po vrasin fëmijët tanë. Por, ju nuk thoni asgjë, nuk keni dhënë asnjë koment”.
“Më thuaj, të lutem, çfarë do të ndodhë nëse të gjithë së bashku, të bashkuar, i tregoni njerëzve se çfarë po ndodh realisht në vendin tim. Unë njoh shumë prej jush, jam njohur me shumë prej jush dhe të gjithë më keni thënë “nuk duhet të jetë kështu”, se presidenti juaj po vepron gabim”.
“Pra, djema, ju keni ndikim në popull, tregojeni këtë, po ju pyes, ju lutem! E di që disa prej jush pëlqejnë t’i shfaqin këllqet e tyre në kamerë, por tani ka ardhur koha për të treguar topat në jetën reale”.
“Faleminderit për vëmendjen! Lavdi Ukrainës”, përfundon videoja e lojtarit ukrainas
Kjo vjen pasi Dzyuba dhe bashkëlojtarët e tij u përjashtuan nga Kupa e Botës në Katar nga FIFA, me Poloninë që i dha lamtumirën një finale kualifikuese të play-off-it kundër Suedisë ose Republikës Çeke më vonë këtë muaj.
