Gresa Krasniqi, vajza e Jakup Krasniqit i ka reaguar humoristit Vedat Bajrami, lidhur me një skeç humoristik të cilën Bajrami e ka publikuar me rastin e 14 vjetorit të pavarësisë, ku luan rolin e Jakup Krasniqit.
Gresa Krasniqi ashpër e ka kundërshtuar këtë duke i thënë Bajramit se ai është arsyeja numër një se pse ajo nuk e ka dashur kurrë humorin kosovar.
“Vedat, je arsyeja numër një pse asnjëherë s’më ka pëlqyer humori kosovar, kjo për faktin se qysh në shkollën fillore, të mesme e besa edhe në fakultet jemi bullizuar si pasojë e humorit tënd të pashije”.
“Figurat historike është vështirë të imitohen, duhen shkathtësi të veçanta të cilat ti nuk i ke. As në imitimet e mëparshme e hiç se hiç në këtë të fundit, as për së afërmi ske arritur të imitosh Jakup Krasniqin. Kjo sepse babi ka vlera aq të larta njerëzore të cilat për ty e shumëkënd janë të paarritshme, e shumë herë edhe të pabesueshme. Prandaj në çdo imitim të babit ti cdo herë dështon”.
