Në draft ligjin e ri për pagat janë paraparë edhe pagat mujore dhe koeficientet për sektorin e shëndetësisë duke filluar nga drejtues (drejtor) në shëndetësi, mjek specialist, stomatolog, farmacist, mjek i përgjithshëm, psikolog klinikë, kryeinfermier e të tjera.
Në ligjin që ende nuk është miratuar në Kuvend dhe që mund të ketë ndryshime rrugës për një drejtues në shëndetësi koeficienti është 10.6 dhe nëse llogaritet me 120 euro për një koeficiente i bie paga mujore 1271 euro.
Një mjek specialist, mjek specialist i Mjekësisë Familjare, Stomatolog Specialist, Farmacist specialist në draft ligji ne ri janë llogaritur me koeficiente 10.1 ose pagë mujore 1212 euro.
Një mjek në specializim do të ketë pagën 960 euro ose koeficientin 8.
900 euro pagë në muaj do të ketë një Inspektor Shëndetësor ose 7.5 koeficientin.
Mjeku i përgjithshëm, Stomatologu dhe një Farmacist janë vlerësuar me 7.4 ose pagë mujore 888 euro.
Një psikolog klinik do të marrë rrogën bazuar në ligjin e ri ( nëse miratohet si i tillë) 840 euro pagën në muaj.
Fizioterapeuiti, Logopedi, Radiologjia diagnostike, Mjekësia sanitare do të kenë koeficiente prej 6 e që nëse llogaritet me 120 euro i bie paga në fund të muajit në shumën e 720 eurove.
Një kryeinfermier në Kosovë do të ketë pagën në vlerën e 600 eurove (koeficienti 5 )
Në draft ligj janë përfshirë edhe Laboranti, Infermier, Mamia, Teknik mjekësor, Teknik farmacist (Niveli tretësor i shëndetësisë 5), (Niveli parësor dhe sekondar i shëndetësisë 4.9), (Niveli tretësor i shëndetësisë- bachelor 4.75), (Niveli parësor dhe sekondar i shëndetësisë-bachelor 4.6), (Niveli tretësor i shëndetësisë- Shkollë e mesme 3. 8), (Niveli parësor dhe sekondar i shëndetësisë- Shkolla e mesme 3.7)
Aktualisht për këtë ligj, për mënyrën e jetësimit dhe koston e tij do të diskutohet në Kuvendin e Kosovës, gjatë seancave që do të mbahen në Mars ku do të dihet përfundimisht nëse ligji i ri i pagave mund ta marrin amin për t`u implementuar në fund të tre mujorit të vitit 2022.
Për dallim nga ligji i shfuqizuar nga Gjykata Kushtetuese, kësaj radhe hartuesit kanë menduar që raporti me koeficientit të shkoj në 1 me 20.
Presidenti, Kryetari i Kuvendit Kryeministri pritet që ta kenë koeficientin më të lartë, duke pasuar nga Institucionet e Drejtësisë dhe atë të Sigurisë.
Agjencia e Lajmeve FaktePlus ka siguaruar dokumentin e draft ligjit me të gjithë koeficientët e profesioneve në sektorit publik.
Sipas këtij dokumenti, Presidenti do ta ketë koeficientin 20 sa e kishte 10, Kryetari i Kuvendit si dhe Kryeministri do ta ketë koeficientin 19, Zëvendëskryeministri 17, deputeti dhe ministrat do ta kenë 16.
Komandanti i FSK, Kryetari i Kryeqytetit dhe Kryetari i Akademisë së Shkencave me draftligjin e ri të punuar do ta kenë koeficientin 15.4.
Në anën tjetër edhe në Sistemin Gjyqësor do të ketë ndryshime në koeficientët.
Kryetari i Gjykatës Supreme do ta ketë koeficientin 18.5, Kryesuesi i Këshillit Gjyqësor 18, si dhe një gjyqtar do ta ketë koeficientin 15.4
Në anën tjetër edhe në sistemin prokurorial do të ketë koeficiont të caktuar kështu Kryeporkurori i Shtetit do të ketë 18.5 koeficientin e pagës bazë. Pastaj kryeprokurorët e prokurorivve të ndryshme do të fillojnë me 15.4.
Ndonëse një ndër sektorët më problematik të qeverive për hartimin e ligjit, kanë qenë sistemi arsimor dhe ai i shëndetësisë. Me punimin e ri të draftligjit, këto sektore kanë pësuar rritje të koeficientëve ani pse sindikatat nuk janë të kënaqura.
Në sistemin Universitar dhe atij Parauniversitar koeficienti do të jet i lartë. Rektori do të prijë me 14.2, dhe dekani 12.8.
Një profesor i rregullt në Universitet koeficientin do ta ketë 12.4 sa e kishte në 5.
Edhe drejtorët e shkollave të mesme dhe ato fillore të pësojnë rritje në koeficient, nga 2.70 në 5.3.
Është profesioni më i rëndë në dy vitet e fundit, kjo pasi që bota po përballet me një pandemi shkatërruese për tërë njerëzimin. Bëhet fjalë për sektorin e shëndetësisë, ku shumë mjek humbën jetën në betejën për të luftuar koronavirusin. Për këtë katorgori ligji i ri i pagave ka caktuar koeficientët e pagës bazë.
Për një drejtues në Shëndetësisë koeficienti i ri do të jetë 10.6 sa ishte 6.75.
Një mjekë do ta ketë koeficientin 10.1 për sa e kishte 5, kryeinfermieri nga 2.5 në 5 .
Edhe në Policinë e Kosovës do të ketë ndryshime në koeficient.
Drejtori i Policisë nga 8 do ta ketë koeficientin në 14, një kadet i ri i PK-së nga 1.9 sa e kishte vlerën, do të pësoj rritje në 2.
Polici i ri nga 2 do ta ketë koeficientin n4, Polici nga 2 në 4.2, Polici i lartë nga 2.2 në 4.3.
Rritje të konsiderueshme të koeficientëve do të ketë edhe në Forcën e Sigurisë së Kosovës. Në gjenertallejtnant do ta ketë këtë koeficientë në 14.5 .
Një rekrut në FSK do ta ketë koeficientin 2, dhe një ushtar do ta ketë 4.
Gjykata Kushtetuese, më 30 qershor të 2020-s, e shfuqizoi Ligjin për Pagat, të sponsorizuar nga qeveria e atëhershme, e drejtuar nga Ramush Haradinaj. Megjithatë, shpejt pritet që një ligj i ri i t’i rregullojë pagat e sektorit publik në vend.
Numri i punonjësve që marrin paga nga buxheti i Kosovës është rreth 83 mijë veta. Paga mesatare neto, sipas të dhënave të Agjencisë së Statistikave të Kosovës, është 542 euro.
Kurse, paga minimale është 130 euro për të punësuarit e moshës nën 35 vjeç dhe 170 euro për të punësuarit e moshës mbi 35 vjeç. Vlera e pagës minimale në Kosovë është më e ulëta në rajon, pasur nga Shqipëria me 248 euro. Në Bosnjë Hercegovinë paga minimale është 300 euro, në Maqedoni të Veriut 359 euro, në Serbi 401 euro dhe në Mal të Zi paga minimale është 533 euro.
