Presidentja e Kosovës, Vjosa Osmani përmes një postimi në facebook ka njoftuar se është takuar me tri kadetet e FSK-së, Liridona Jashari- Baftjari, Arbenita Grezda dhe Jeta Berisha.
Osmani ka thënë se është kënaqësi dhe krenari e jashtëzakonshme takimi me tri kadetet e FSK-së, të cilat na e zbardhën fytyrën, me suksesin e treguar gjatë studimeve në fushën e sigurisë në SHBA dhe Turqi.
“Kosova ka nevojë për sa më shumë vajza e gra të përfshira në sektorin e sigurisë, prandaj mora konfirmimin e Komandantit të FSK-së, Gjenerallejtënant Bashkim Jashari, për përkrahjen e tyre të vazhdueshme. Sa më të suksesshme ato, më shumë siguri për ne dhe më mirë për imazhin e shtetit!”
