Këngëtari Joe Elliott ka deklaruar se diva e muzikës, Adele mund të humbasë zërin e saj gjatë qëndrimit në Las Vegas.
Ai është shprehur në një intervistë për “Daily Star”, se nxehtësia e thatë në qytetin përvëlues mund të ndikojë te kordat e saj vokale.
Gjithashtu Joe i kërkoi këngëtares të investonte në disa pajisje të mira për ta mbajtur zërin në gjendje të mirë.
Adele ka patur gjithmonë probleme me kordat e saj vokale. Në vitin 2011, iu nënshtrua një operacioni, ndërsa në 2017, ajo u detyrua të anulojë dy koncerte, dhe të qëndrojë për një kohë të gjatë larg skenës.
Kujtojmë se ajo arriti para pak viteve majat e muzikës botërore me disa prej këngëve të saj.
