Madonna tregoi një mavijosje të madhe në kofshën e saj, teksa pozoi me një palë sytjena të zezë teksa përditësoi fansat e saj me të tjera fotografi në Instagram të mërkurën.
Këngëtarja e hitit “Like A Virgin”, 63 vjeçe, e cila kishte veshur të brendshmet gjysmë të tejdukshme, shfaqi një mavijosje me pamje të dhimbshme teksa ia ktheu këmbën kamerës në foto të ndryshme.
Në galerinë e imazheve, Madonna përfshiu një pamje nga afër që tregonte dekoltenë e saj teksa me një sërë bizhuterish të varura rreth qafës, shkruan DailyMail.
Madonna nuk tregoi se si e pësoi dëmtimin e këmbës edhe pse në mënyrë sfiduese deklaroi në mbishkrimin e saj se jeta e kishte rrahur.
“Jeta më ka rrahur! A mendoni se unë jam një dreq”, shkroi ajo ndër të tjerash në mbishkrimin e fotografisë.
Në një pamje nga afër të mavijosjes, Madonna ishte shtrirë në një divan, me këmbën e lënduar përballë kamerës.
Ajo kishte veshur geta të zeza, të brendshme me dantella dhe një mantel të mëndafshtë të markës “Versace” të lidhur në belin e saj të hollë.
Mbretëresha e muzikës pop kishte vënë gjithashtu syze dielli dhe disa gjerdanë verbues.
Një nga imazhet tregonte Madonën duke ngritur këmbët e saj, ndërsa një tjetër e shfaqte atë të ulur në një tualet me shpinën e kthyer nga kamera.
Ajo gjithashtu u shtri në një shtrat me njërën këmbë të ngritur lart në ajër, teksa bëri një shprehje të ashpër të fytyrës drejt kamerës.
Nuk duket se Madonna ka ndonjë plan për të ndaluar postimin e fotove provokuese këtë vit, pasi ka publikuar shumë të tilla në rrjetet sociale.
