IKSHPK u ka bërë sot thirrje qytetarëve të Kosovës që të vaksinohen, pasi vetëm në këtë mënyrë ata do të jenë më të sigurt kundër pandemisë COVID-19 gjatë festave të fundvitit.
Në një postim në Facebook kërkon nga qytetarët të marrin dy doza të vaksinës.
“Vendi ku të gjithë ndjehemi të sigurt është familja. Prandaj, kujdesu për veten dhe familjen tuaj. Merrni të dy dozat e vaksinës dhe sapo të ju vijë koha edhe dozën përforcuese dhe dozën e tretë. Festo sigurt, festo me familjen! Festo shëndetshëm!”, thuhet në njoftim.
