Drejtorit të Zyrës për Kosovën në Qeverinë e Serbisë Petar Petkoviq, i është ndaluar hyrja në Kosovë.
Mediat serbe raportojnë se Petkoviq është ndalur sot në Jarinje.
Kjo nuk është hera e parë që Petkoviq nuk është lejuar hyrja në Kosovë. Një gjë e tillë i ka ndodhur edhe para 10 dite.
I njëjti po planifikonte të vizitonte studentët e seminarit në Prizren, të kthyerit serbë në fshatin Novakë dhe të bisedonte me serbët dhe familjet e pafavorizuara sociale në veri të Kosovës.
Mediat serbe shkruajnë se autoritetet kosovare kanë shkelur marrëveshjen e Brukselit me këtë vendim.
