Mbrëmjen e së martës në Big Brother VIP është diskutuar për debatet që ka shkaktuar brenda shtëpisë aktorja Arjola Demiri.
Kjo e fundit është kryqëzuar nga disa banorë, për shkak se ka shprehur mbështetjen për balerinin Ilir Shaqiri, i cili kishte treguar haptazi se kishte tradhtuar gruan por që kishte kërkuar falje dhe ishte kthyer te gruaja e tij.
Arjola është pyetur nga Antonela se si ka mundësi që përkrah Ilirin, kur ajo vet është ndarë nga ish-burri për arsye tradhtie.
Me të dëgjuar këtë, Arjola i është përgjigjur me të madhe duke thënë se Iliri është një njeri për t’u marrë shembull, për shkak se ai e kuptoi gabimin e tij dhe u kthye te familja, ndryshe nga që kishte vepruar ish-burri i saj.
“Do kisha dashur shumë të kisha një Ilir në jetën time”, tha me të madhe aktorja tropojane, duke treguar kështu se ish-bashkëshorti i saj zgjodhi të largohet me tjetrën pas tradhtisëdhe jo të kthehet te familja.
Arjola është kritikuar edhe për historitë e trishta që ka ndarë brenda shtëpisë së BBV, duke e quajtur si “viktimizim” këtë lojë të saj disa nga banorët.
