Artistja shqiptare, Filloreta Raçi-Fifi, javën e kaluar u tërhoq nga loja e Big Brother VIP.
Derisa qëndroi brenda, ajo u përfol mjaft shumë për jetë private e po ashtu edhe për karrierën profesionale.
Gjatë qëndrimit në shtëpinë më të famshme në Shqipëri, ajo realizoi edhe një këngë të cilën tashmë e ka publikuar edhe në YouTube.
Bëhet fjalë për projektin “Diell”, i cili vetëm për tri ditë mblodhi afro dy milionë klikime.
Reagimet në këtë projekt kanë qenë të shumta, shumica nga të cilat ishin pozitive.
Fifi kërkoi largimin nga BBV pasi nuk po ndihej mirë dhe dëshironte t’i përkushtohej më shumë vetes jashtë spektaklit.
