Futbollistja e talentuar që jeton në Gjermani, Gentiana Fetaj do të jetë pjesë e Kombëtares së Kosovës. 19-vjeçarja po zhvillon një karrierë të bujshme në Gjermani dhe vlerësohet si një futbolliste tejet e talentuar. Ajo deri më tash ka luajtur në të gjitha grupmoshat e Kombëtares së Gjermanisë (U15, U17, U19). Ndërmjetësues në ardhjen e kësaj futbolliste në kombëtaren dardane ishte gjyqtari i njohur dhe bashkëpunëtori i FFK-së, Gani Musliu. Pas kontakteve të vazhdueshme me presidentin Agim Ademi dhe bisedimeve të gjata me futbollisten dhe familjen e saj, është marrë vendimi që tash e tutje Gentiana ta përfaqësojë Kosovën. Tani FFK në kohë sa më të shpejtë që është e mundur do ta përgatisë dokuementacionin e nevojshëm për pajisje me pasaportë dhe për licencim në FIFA. Ardhja e Gentiana Fetaj do t’i japë impuls Kombëtares A për paraqitje sa më të mira në të ardhmen. Ajo luan në rolin e mesfushores dhe deri më tash ka regjistruar 23 ndeshje për ekipin kombëtar të grupmoshave të Gjermanisë, derisa aktualisht është pjesë e FC Carl Zeiss Jena.
Latest article
Raportohet se VV ka filluar të mbledh nënshkrime për seancë të re, Kurti dje...
Në media është duke u raportuar se Lëvizja Vetëvendosje ka filluar mbledhjen e nënshkrimeve për thirrjen e seancës së re për formimin e qeverisë.
Sipas...
Periudhë e artë e futbollit kosovar: Suksese, zhvillim dhe vizion i qartë
Futbolli kosovar po përjeton një periudhë të artë dhe emocionuese. Brenda një muaji, Federata e Futbollit e Kosovës ka shënuar një seri arritjesh që...
Agim Ademi: Fitorja e sotme në Suedi, dëshmi se nuk ishin befasi as 3...
Kryetari i Federatës së Futbollit të Kosovës, Agim Ademi, ka reaguar pas fitores së madhe të Kosovës ndaj Suedisë, duke e cilësuar këtë fitore...












