Ministri i Financave, Hekuran Murati, ka njoftuar se ka pasur numër të madh aplikimesh për shtesat e fëmijëve.
Murati, nëpërmjet një postimi në llogarinë e tij në ‘Facebook’, ka thënë se janë ekzekutuar pagesat për 86 mijë përfitues për muajin tetor.
“Pas zgjerimit të masës për shtesat e fëmijëve, kemi pasur një fluks enorm aplikimesh. Dhe sot më në fund, pas validimeve të nevojshme, është ekzekutuar pagesa e shtesave për fëmijë, për rreth 86 mijë përfitues, për muajin tetor”, ka shkruar ai.
