Ashtu siç kishte paralajmëruar, Dafina Zeqiri sonte publikon një nga klipet e këngëve të albumit të ri “Dafinë Moj”.
Bëhet fjalë për projektin “Murder on the dancefloor” që e solli në bashkëpunim me Ron.
Kjo këngë e dyshes, me protagoniste në videoklip Arta Nitajn, pritet të lansohet përgjatë ditës së sotme (e enjte).
Dafina Zeqiri (Foto: Instagram)
Këtë e bëri të ditur përmes një postimi të shpërndarë me fansat në llogarinë e saj personale, Instagram.
“Dafina Zeqiri ft Ron Murder on the dancefloor. Sonte në orën 18:00”, thuhet në postim.
Ndërkaq, kënga që ndodhet në YouTube vetëm në versionin audio ka mbledhur deri më tani afro një milion klikime.
Dafina duhet theksuar se ka realizuar disa projekte tashmë me klip, të cilat njëherësh u mirëpritën edhe nga publiku.
“Llafe llafe”, “Pasha Dafinën” dhe “Vet e lype” – janë tri nga 14 këngët që u realizuan edhe nga ana vizuale.
