Tre militantë talebanë raportohet të kenë hapur zjarr ndaj të ftuarve në një ceremoni martesore, duke vrarë 2 prej tyre dhe plagosur disa të tjerë.
Ngjarja e rëndë u regjistrua në Surkh Rod, në provincën e Nangarhar, në lindje të Afganistanit dhe shkaktoi zemërim në opinionin publik.
Zëdhënësi i qeverisë, Zabihullah Mujahid, doli menjëherë në një konferencë për shtyp, ku tha se ekzekutivi distancohet nga të tilla akte dhunës.
Sipas mediave, dy nga autorët e ngjarjes janë arrestuar, ndërsa i treti është shpallur në kërkim.
Gjatë regjimit të parë të talebanëve në vitet 1996-2001, autoritetet në Kabul e kishin ndaluar me ligj të gjithë muzikën jofetare.
