Madonna shfaqet me stilin e Marilyn Monroe për ‘V Magazine’

Nga mbretëresha e pop-it te mbretëresha e të gjitha kohërave e ekranit.

Madonna mbulon numrin e fundit të V Magazine, duke pozuar “në një homazh për magjepsjen dhe tragjedinë” e Marilyn Monroe.

“Ne nuk ishim të interesuar të rikrijonim imazhet saktësisht, por më e rëndësishmja, ne donim të eksploronim marrëdhënien midis fotografit dhe subjektit. Edhe miqësia, edhe procesi artistik, dhe sesi arti mund të imitojë jetën dhe anasjelltas”, tha fotografi Steven Klein në një deklaratë për shtyp.

“Kur i dërgova fotot Madonës, ajo u kap me të vërtetë nga brishtësia e Marilyn në atë moment të jetës së saj. Ne vendosëm të gjenim një suitë hoteli dhe të përpiqeshim të kapnim lidhjen midis një ylli dhe kamerës, misterin dhe magjinë e këtij bashkëpunimi krijues”.

Madonna shfaqet në katër kopertina të ndryshme, njëra prej të cilave e shfaq atë duke pozuar e zhveshur në një shtrat të parregulluar, me fytyrën e saj të kthyer nga kamera. Në pamjen e guximshme, superylli nuk vesh asgjë tjetër përveç geteve, diamanteve, dorezave dhe takave nga marka Christian Louboutin.

Tre fotot e tjera të kopertinës paraqesin pamje nga afër të Madonës duke pozuar në profil me një pallto leshi.

Është larg nga hera e parë që Madonna tërhiqet nga ylli ikonë i kinemasë; klipi i saj muzikor i vitit 1984 për “Material Girl” u bazua në performancën e Monroe në “Diamonds Are a Girl’s Best Friend” në “Gentlemen Prefer Blondes” të vitit 1953.