Presidenti Agim Ademi i cili po qëndron në Stokholm për ndeshjen e sotme Suedi – Kosovë, e ka zhvilluar një takim me kryeministrin e Suedisë, Stefan Löfven. Me këtë rast, ai, e ka falënderuar në emër të Kosovës kryeministrin suedez për mbështetjen e vazhdueshme që i kanë dhënë Kosovës në të gjitha sferat. Takimet e shumta që presidenti Ademi po i zhvillon në Suedi janë dëshmi e miqësisë së mirë që ai ka krijuar me Suedinë, por edhe e raporteve shumë të mira ndërmjet dy vendeve tona.
