Liderët e Bashkimit Evropian bashkë edhe me shtetet anëtare në konsultim edhe me udhëheqësit e Ballkanit Perëndimor, kanë nënshkruar një deklaratë të përbashkët pas Samitit të Brdos të mbajtur në Slloveni.
Në deklaratën e përbashkët thuhet se Bashkimi Evropian ka përsëritur mbështetjen e saj për perspektivën evropiane të Ballkanit Perëndimor.
Njëra nga pikat e kësaj deklarate i kushtohet dialogut Kosovë-Serbi.
Në pikën e gjashtë thuhet se Bashkimi Evropian pret normalizim të plotë të marrëdhënieve mes Kosovës dhe Serbisë.
“6. Ne mbështesim plotësisht përpjekjet e Përfaqësuesit Special të BE-së për Dialogun Beograd-Prishtinë dhe çështje të tjera rajonale të Ballkanit Perëndimor dhe presim përparim konkret nga të dyja palët në normalizimin e plotë të marrëdhënieve midis tyre, i cili është kritik për stabilitetin dhe zhvillimin e të gjithë rajonit dhe për të siguruar që ata të mund të vazhdojnë në rrugët e tyre përkatëse evropiane”.
