FIBA Evropa nëpërmjet një letre drejtuar krerëve të lartë të Federatës së Basketbollit të Kosovës (FBK), Kryetarit – Arben Fetahu dhe Sekretares së Përgjithshme – Elvira Dushku e ka përgëzuar FBK-në për organizimin e FIBA U16 European Challenger në Prishtinë.
FIBA U16 European Challenger, Grupi F është organizuar në Prishtinë prej 16 deri më 21 Gusht në organizim të Federatës së Basketbollit të Kosovës dhe FIBA Evropës.
Kosova, Shqipëria, Luksemburgu, Moldavia, Malta dhe Gjibraltari kanë marr pjesë në FIBA U16 European Challenger në Prishtinë, ndërsa kanë qenë basketbollistët e Kosova U16 ata që në pesë ndeshje kanë shënuar po aq fitore, dhe kështu janë shpallur kampion të kësaj gare, në ndeshjen vendimtare kundër Luksemburgut.
Gjeni të bashkëngjitur letrën e plotë të FIBA Evropës të dërguar nga Drejtori Ekzekutiv, Kamil Novak.
I nderuari President, i nderuari Arben,
E nderuara Sekretare e Përgjithshme, e nderuara Elvira,
Në emër të FIBA Evropës, do të doja të shpreh mirënjohjen time për federatën tuaj nacionale për organizimin e një (1) FIBA Youth European Challenger 2021 në vendin tuaj.
Mbështetja dhe përpjekjet tuaja në lidhje me organizimin, por veçanërisht zbatimin e plotë të protokolleve Covid-19 ishin elementet kryesore për zhvillimin e garave që për shumë federata nacionale mund të kenë qenë garat e para zyrtare për gjeneratat e reja pas përhapjes së pandemisë në vitin 2020. Edhe pse pandemia Covid-19 ende është e pranishme dhe ne mund të shohim ndikimin e saj negativ në shumë aspekte të jetës sonë të rregullt, fakti që ekipet tona mund të luanin në turne pa ndonjë problem të madh dëshmoi, se ne ngadalë, por sigurt po i kthehemi fushës së lojës.
Ne ju urojmë suksese me organizimin e edicionit tuaj të kampionateve nacionale 2021/22 dhe me padurim presim të shohim klubet tuaja dhe ekipet nacionale seniore në garat e ardhshme të FIBA.
Me respekt,
Kamil Novak
Drejtori Ekzekutiv i FIBA Evropës
