Komisioni për Shëndetësi dhe Mirëqenie Sociale mbajti sot mbledhjen përmbyllëse të sesionit pranveror.
Një nga temat kryesore që është trajtuar në këtë komision është situata aktuale epidemiologjike.
Kryetarja e këtij komisioni nga radhët e Lëvizjes Vetëvendosje, Fatmire Mulhaxha-Kollçaku ka thënë se në mbledhjen e sotme kanë diskutuar edhe për masat që po ndërmerren nga ana qe Qeverisë së Kosovë në lidhje me gjendjen me pandeminë.
“Takim i Komisionit Parlamentar për Shëndetësi dhe Mirëqenie Sociale. Një ndër temat kryesore që u trajtua në komision sot, është situata aktuale epidemiologjike në vend dhe masat që po ndërmerren nga ana e Qeverisë së Republikës së Kosovës”, ka shkruar në Facebook.
Ndryshe, gjatë ditës së djeshme janë regjistruar 888 raste të reja me COVID-19.
