Disa persona janë përfshirë në një rrahje në një market në Prizren, meqë rast njëri prej tyre përfundoi në spital.
Gjatë ditës së djeshme, Policia në Prizren kishte pranuar një informacion se në rrugën “Xhemë Gostivari” ka ndodhur një rrahje në një market.
Ngjarja ndodhi pas një mosmarrëveshje me një person të panjohur, i cili kishte qenë i armatosur dhe kishte sulmuar viktimën, duke e goditur me kokë dhe me grushte, duke i shkaktuar lëndime trupore dhe më pas i dyshuari me një veturë largohet nga aty.
Viktima më pastaj ka marrë tretman mjekësor në emergjencën e spitalit e më pas është dërguar me autoambulancë për në QKUK në Prishtinë për shkak të gjendjes së rëndë shëndetësore.
Sektori i hetimeve në Prizren pas vëzhgimit të kamerave, kanë arritur që përmes rrugëve operative-hetimore të bëjë identifikimin, e më pas arrestimin e të dyshuarve: H. P. viti i lindjes 1998, A.K. viti i lindjes 2001 dhe K.T viti i lindjes 1999.
“Në banesën e dyshuarit H.P gjate bastisjes është gjetur dhe sekuestrua ne cilësinë e provave materiale një pistoletë- lodër dhe një këllëf i pistoletës. I dyshuari ka deklaruar se këtë pistoletë- lodër e kishte me vete kur ka ndodh rasti. Në prezencën e avokateve mbrojtës janë marr deklarata nga të dyshuarit , të cilët e pranojnë që janë përfshire në këtë rast, sipas tyre ishte një mosmarrëveshje e çastit”, thuhet në njoftimin e Policisë.
Në lidhje me këtë rast për gjitha veprimet është njoftuar Prokurori kujdestar Departamenti për krime te përgjithshme Prizren. Me vendim të prokurorit të shtetit , dy te dyshuarit ndalen në qendrën e ndalimit për 48 orë. Ndërsa personi i tretë me inicialet K.T., është liruar.
