Të premten, rreth orës 00:30 një njësi policore e njësive speciale e cila ishte në pikë kontrolli në rrugën “Shpetim Robaj” në Prishtinë, kishte ndaluar veturën “Ford Fiesta”, të cilën po e voziste personi me inicialet B.Gj., (1992), të cilit pas kontrollimit i është gjetur një sasi e substancës se dyshuar për narkotikë.
Policia ka shoqëruar personin për në stacion policor ku është intervistuar, ku për rastin është njoftuar njësia e hetimeve dhe njësia e krimteknikës.
Me urdhër të prokurorit rasti është hapur për posedim i paautorizuar i narkotikëve, substancave psikotrope ose analoge dhe ka kaluar në procedurë të rregullt.
