Asnjë person nuk ka arritur të mbijetojë nga rrëzimi i aeroplanit me 28 persona, të martën, në lindjen e largët të Rusisë, citohet të kenë thënë agjencitë ruse të lajmeve.
Aeroplani “The Antonov An-26” ishte rrugës nga kryeqyteti rajonal Petropavlovsk-Kamchatsky për në Palana, një fshat në veri të gadishullit Kamchatka, kur humbi kontaktin me kontrollin e trafikut ajror, tha ministria e emergjencave, shkruan Reuters, transmeton lajmi.net.
Duke cituar burime, Interfax raportoi se aeroplani u mendua të ishte përplasur në një shkëmb ndërsa po përgatitej të ulej në kushte të dobëta të shikimit.
Autoriteti i aviacionit civil rus konfirmoi se vendi i rrëzimit të avionit ishte gjetur pasi ministria e emergjencave dërgoi një helikopter dhe kishte vendosur ekipet në tokë për të kërkuar avionët e zhdukur.
Në bord ishin 22 pasagjerë dhe gjashtë të ekuipazhit, tha ministria. Olga Mokhireva, kryebashkiaku i Palana, ishte midis udhëtarëve, citohet të kenë thënë autoritetet lokale për agjencinë TASS.
Moti në zonë ishte me re në kohën kur avioni u zhduk, raportuan agjencitë ruse të lajmeve. TASS tha se avioni i përfshirë kishte qenë në shërbim që nga viti 1982.
Standardet ruse të sigurisë së aviacionit janë përmirësuar në vitet e fundit, por aksidentet, veçanërisht duke përfshirë aeroplanët e vjetër në rajone të largëta, nuk janë të rralla.
Lloji i avionit të epokës Sovjetike, i përdorur akoma për fluturime ushtarake dhe civile në disa vende, ka qenë i përfshirë në dhjetëra përplasje vdekjeprurëse që kur hyri në shërbim rreth 50 vjet më parë.
Një Antonov-28, një aeroplan i ngjashëm, përplasi një pyll Kamchatka më 2012 në një përplasje që vrau 10 vetë përgjatë të njëjtës rrugë. Hetuesit thanë që të dy pilotët ishin të dehur në kohën e rrëzimit
