Përmes një komunikate për media është bërĕ e ditur se kryetari i Federatës së Futbollit të Kosovës Agim Ademi ka qenë për vizitë në qytetin e Ferizajit ku ka ofruar ndihmen e tij për Lidhjen Rajonale të Futbollit në këtë qytet.
“Kreu i FFK- së, z.Agim Ademi ishte për vizitë në Lidhjen Rajonale të Futbollit të Ferizajt.
Z.Agim Ademi u takua me Kryetarin e Lidhjes Rajonale të Futbollit të Ferizajt z. Afrim Haliti dhe me delegatët e rajonit të Ferizajt. Kryetari I FFk-së, z.Agim Ademi ofroi mbështetje të vazhdueshme për avancimin e mëtutjeshëm të Futbollit në Rajonin e Ferizajt.”, thuhet në komunikatë.
“Në anën tjetër, delegatët dhe Kryetari i Lidhjes Rajonale të Ferizajt z.Afrim Haliti e falenderuan kryetarin e FFK-së z.Agim Ademin për ndihmën dhe përkrahjen e vazhdueshme dhënë Rajonalit të Ferizajt.
Klubet e Lidhjes Rajonale të Futbollit në Ferizaj dhe delegatët së bashku me kryetarin e LRFF-së, ofrojnë mbështetje të plotë ndaj kryetarit të Federatës së Futbollit të Kosovë, z.Agim Ademi dhe zotohen që nuk do të lejojnë grupe të caktuara të interesit që nuk përfaqësojnë askënd në Futboll, as nuk paraqesin asgjë në Futboll që ta destabilizojnë FFK-në.
Me respekt kryetari i Lidhjes Rajonale të Ferizajt z.Afrim Haliti”, kanë shtuar tutje, përcjell kolonamedia.info.
