Infektologu Arben Vishaj është emëruar ushtrues detyre i drejtorit të Klinikës Infektive në QKUK.
Lajmin e ka konfirmuar Vishaj, i cili ka thënë se e ka pranuar këtë pozitë gjatë ditës së enjte.
“Po e kam pranuar emërimin sot. Është kohë e vështirë, por do të mundohem të bëj më të mirën”, ka thënë Vishaj për gazetën Shneta.
Emërimi i tij vjen pas dorëheqjes së Izet Sadiku i cili mbajti këtë pozitë për rreth 3 muaj. Sadiku poashtu ishte emëruar ud. pas dorëheqjes së Lindita Ajazi-Berishes.
